واللي إحنا بنستخدمه هو : الكي الحراري  ، لكن الباقي كويسين جداً وأمان .
ليه الكي الحراري ؟ أولاً لأنه بيأدي نفس الأداء اللي بيأدية جهاز الليزر , وهو انه بيلسع اى اوعيه دمويه او شعيرات دمويه اثناء قص الجلد , و بكده بنمنع اى نزيف , بالإضافة إلي ان جهاز الجومكو بيلحم كويس جداً الجلد الخارجي و الجلد الداخي وبالتالي مش هنكون محتاجين لـ غرز او اننا نربط العضو بشاش ، وكمان بيقلل تلوث الجرح بنسبة عالية جداً , وماتنسوش ان الجرح فى منطقه قابلة للتلوث بسرعه جدا . 

وبخصوص جهاز الليزر  : بنلاحظ ان أغلب الإعلانات بتستخدم جملة "الطهاره بالليزر" , لكن للأمانة هذا الجهاز صعب جداً جداً يكون متواجد في عيادة لأن حجمه كبير جداً بخلاف سعره المرتفع للغاية , لكن العديد بيستخدموا لفظ "الطهاره بالليزر" لجذب الإنتباه ليس أكتر , إنما الجهاز المستخدم هو "الكي الحراري" واللي بيأدي نفس آداء الليزر بالظبط .