الفتق الإربي عند الأطفال وحديثي الولادة
واحد من أشهر العيوب الخلقيه اللي بتصيب الأطفال و حديثي الولاده
مكان ظهور الفتق الإربي
الفتق الأربي بيظهر في الناحيه اليمني أعلي فخد الطفل فى المنطقة السفلي من البطن , لكن فى بعض الحالات ممكن يظهر علي الناحيتين ( يمين او شمال ) في نفس الوقت , و دا بيحصل بنسبه صغيرة جداً بتوصل ل 10% من الأطفال .
الفتق الإربي في الأولاد والبنات
الفتق الإربي بيصيب الاطفال الذكور والإناث , لكن بنسبه كبيرة بيصيب الأطفال الذكور أكثر من الإناث .
الأطفال الأكثر عرضه للإصابه بالفتق الإربي
الولاده المبكره .
الأطفال اللي وزنهم قليل .
الأطفال المصابين بالخصية المعلقة .
سبب وراثي "كان لدي الأب أو الأم فتق إربي" .
أطفال لديهم بعض العيوب الخلقية والتي تكون مصاحبه للفتق الاربى .
الكحة - الحزق - العياط
مش هما السبب في الإصابه بالفتق الإربي
لكن هما اللي بيظهروا الفتق الإربي .
طيب اي هو تعريف الفتق الإربي :
هو عباره عن تورم او انتفاخ في أعلي الفخذ وممتد إلي الخصية , نتيجة نزول جزء من الأمعاء فى الذكور أو الإناث (أو نزول المبيض في الإناث)في كيس الفتق , سواء علي الناحية اليمني أو الناحية اليسري .
نيجي بقي لأعراض الفتق الإربي ....
أولاً هنتكلم عن الفتق الإربي الغير مختنق واللى الأم ممكن تفحصه بنفسها وتتأكد من وجوده .
3
والتورم دا بيختفي لما الطفل يهدي أو يجي ينام بالليل , دا كدا اسمه "فتق اربى" , أما الفتق الاربي المختنق هنتكلم فيه قدام شوية
2
هتلاقي في انتفاخ أو تورم أو كولكيعه في أعلي منطقه الفخذ أو في كيس الصفن , سواء علي الجانب الأيمن او الأيسر .
1
في الوقت اللي الطفل بـ
يبكي أو يحزق أو يكح
انزلي فوراً شوفي المنطقة اللي بين "أسفل البطن" و "أعلي الفخد"
يبقي لما نلاحظ الأعراض دي عند طفلنا , نعرف علطول أنه مصاب بالفتق الإربي .
طيب اي هي أسباب حدوث الفتق الإربي ؟؟
في بين اسفل البطن و كيس الصفن حاجه شبه الأنبوب او الخرطوم , اللي هي اسمها القناه الإربيه , القناه الإربيه دي وظيفتها أنها بتوصل الخصيه من بطن الطفل إلي كيس الصفن ...تماام كدا
طيب القناه الإربيه دي بقي بيبقي ليها فتحتين ( مدخل ومخرج ) بمعني أن فيه فتحه علويه في أول القناه ودي
( المدخل ) وفتحه تانيه سفليه في أخر القناه ودي ( المخرج )
المفروض بقي أن خصيه الطفل بتنزل من تجويف البطن إلي كيس الصفن عن طريق القناه الإربيه دي , وبعد ما تنزل الخصيه , المفروض أن فتحه القناه الإربيه العلويه اللي هي المدخل بتقفل , لكن في بعض الحالات الفتحه دي بتفضل مفتوحه , ودا اللي بيسبب نزول جزء من الأمعاء من الفتحه العلويه دي جوا القناه الإربيه وفي الحاله دي بنسمي الجزء اللي نزل دا ب ( كيس الفتق ) , ودا اللي بيسبب التورم أو الانتفاخ اللي بيظهر في أسفل بطن الطفل .
طيب لحد دلوقتي عرفنا أي هو الفتق الإربي وأعراضه وكمان أسباب حدوثه .... تمام كدا
نرجع بقي نكمل تاني وندخل على أنواع الفتق الإربي :
ثانياً : من حيث حجم كيس الفتق .
1- وهنا بيكون حجم كيس الفتق صغير , نازل من مدخل القناة الإربية وموجود ومستقر في القناة الإربية , ولم يخرج منها .
2- هنا بيكون حجم كيس الفتق كبير , نازل من مدخل القناة الإربية وخرج كمان من مخرج القناة الإربية إلي كيس الصفن .
أولاً : من حيث قابلية الفتق للإرتجاع .
1- فتق قابل للإرتجاع :
ودا معناه إن كيس الفتق ممكن يرجع تاني للبطن بسهوله , وبيزيد أو يظهر أثناء الكحه أو الحزق أو الإمساك أو البكاء , ولما الطفل بيهدي ويسكت بيرجع تاني لوحده .
2- الفتق المختنق ( الفتق الغير قابل للإرتجاع ) :
ودا اخطر أنواع الفتق , وبيحصل لما الفتحه العلويه للقناه الإربيه تبدأ تقفل علي عنق كيس الفتق اللي بيحتوي علي الأمعاء داخل القناه الإربيه , فبيحصل عملية اختناق لعنق كيس الفتق , و بالتالي إختناق للأوعية الدموية اللي بتغذي جزء من الأمعاء , فبيزيد التورم فى المنطقة وبالتالي بيحصل إنسداد في الأوعيه الدموية اللى بتغذي الأمعاء وبتضغط كمان علي الأوعيه الدموية اللي بتغذي الخصية فبيحصل إنسداد , وهنا الطفل بيبدأ يحس بوجع ويظهر عليه أعراض الفتق المختنق .
طب أي اللي ممكن يحصل للطفل في حاله حدوث الفتق المختنق ؟
في حاله الاطفال الذكور :
لو حصل إختناق للفتق :
أولاً : هيبدأ يحصل تورم في المنطقة الإربيه .
ثانياً : مغص وبكاء شديد .
ثالثاً : هيبدأ يحصل إنتفاخ في البطن .
رابعاً : هيبدأ الطفل يرجع (الإستفراغ) .
-
هنا بقي لو مر 3 ساعات بتبدأ الأوعيه الدمويه الخاصة بالخصيه تموت وبيحصل غرغرينه في خصيه الطفل , وبالتالي بيأثر علي الخصوبة في الكبر .
-
ولو مر 6 ساعات فالأمعاء اللي جوا القناه الأربيه هتموت تماما , ولازم الطفل دا يدخل طوارئ وعمليات فوراً وبيتعمل للطفل عملية إستكشاف وهيتم إستئصال جزء من أمعاء الطفل , ودا لأن الطفل بيجيلنا ساعتها بإنسداد معوي وإنتفاخ في البطن وترجيع واضطرابات في العناصر (الصوديوم والبوتاسيوم وغازات الدم) وبالتالي الطفل هيحتاج إلي رعاية مركزه , ودا ممكن يأثر لقدر الله علي حياة الطفل .
في حاله الاطفال الإناث :
في خلال من 3 ل 6 ساعات ممكن يحصل غرغرينه للمبيض , ليه بقي ؟ لأن المبيض من أكثر الحاجات اللى بتنزل في كيس الفتق وبالتالي بيحصل لها إختناق , وبالتالي هيأثر علي خصوبة البنت , وندخل في مشاكل تانيه كتير لا قدر الله ممكن تأثر علي حياة الطفله .
طيب أمتي بيحصل الفتق المختنق دا ؟
أولاً ممكن الطفل يجيلنا من الأول وهوه عنده أساساً فتق مختنق , وأحياناً ممكن يحصل للفتق إختناق بعد ما الأم تكتشفه بـ ( ساعه او يوم او حتي سنه ) علشان كدا من المهم جداً جداً أنه علطول أول ما يكون عندنا شك ولو بسيط فى وجود فتق إربي عند الطفل , لازم يتعرض علي دكتور متخصص في جراحه الأطفال فوراً , ولو تأكدنا من وجود فتق إربي بغض النظر عن نوعه أو حجمه , لازم يتم التجهيز للعمليه فوراً .
امتي نقرر نعمل عملية الفتق الاربي ؟
بمجرد اننا نعرف ان الطفل سواء بنت أو ولد عنده فتق إربي لازم نعمل :
- صورة دم كاملة .
- تحليل سيولة .
وتاني يوم علطول لازم نعمل عملية الفتق الاربي .
ووزن الطفل وعمره مالوش اي علاقة بعملية الفتق
احنا بنعمل عمليات لأطفال وزنهم 2 كيلوا وعمرهم 5 أيام فقط .
تعالوا نسمع الفيديو دا ونعرف ليه بنقول لازم عملية علطول
معاد عملية الفتق الاربي
امتي الطفل يرجع يمارس حياته الطبيعية بعد العملية ؟
بعد العملية بـ 10 أيام الطفل يقدر يرجع يمارس حياته الطبيعية .
وبنلاقي في تورم في جرح العملية , ودا شيئ طبيعي جداً وبيختفي لوحده في خلال إسبوعين من العملية , ولو العملية كانت فتق إربي + قيلة مائية فالتورم بيختفي من شهر إلي شهر ونص .
امتي نستخدم المنظار في عمليات الفتق الإربي ؟
في حالات معينة بنستخدم فيها المنظار بدلاً منالجراحة وهي :
1- في حالة وجود فتق إربي مزدوج .
2- في حالة وجود فتق إربي مرتجع .
3- في حالة وجود فتق إربي مختنق مصاحب بغرغرينة في الأمعاء .
تقييمات حقيقية من أهالي سعداء بخدماتنا شاهد ماذا قالوا عن تجربتهم
بارك الله فيك يادكتور
فعلا بعد مشقة وتعب السفر رجعنا مجبورين الخاطر وابنى الحمد لله بألف خير وسلامه ربنا يبارك فى حضرتك يادكتور ويجازيك خير انا سافرت بابنى من اسوان للقاهرة ثقه فى حضرتك وثقتى بانك اب مش مجرد جراح الحمد لله بعد 3 شهور من العياط من الالم الحمد لله يزن بقى يلعب ويضحك
شكرا لانك كنت سبب بعد ربنا لضحكة يزن بعد معاناه من الالم
ربنا يوفق حضرتك يا دكتور ويبارك في عمرك ويجعلك دايما سبب في الشفاء
حضرتك برضو عملت ل سليم نفس العملية فتق اربي مزدوج ومن تاني يوم العملية كان زي الفل
صرا حة ايدك تتلف في حرير
ربنا يباركلك يا دكتور والله حضرتك فعلا بتطمن الحالات اللي بتجيلك ربنا يشهد ان قبل ما اروح لحضرتك مكمتش بنام من كلام دكاتره تانيين قعدوا يهولوا في الموضوع وحسسوني ان العمليه خطيره بس حضرتك طمنتني وحقيقي كفايه اهتمامك يوم العمليه طلعت اتطمنت عالولد ولما روحنا بعتلي تتطمن عليه والله بجد انا بحمد ربنا كل يوم اني عملت لابني العمليه عند حضرتك ربنا يباركلك ويزيدك من فضله يارب العالمين
ربنا يبارك لحضرتك يادكتور ويطمن قلبك ذي محاضرتك كنت بتبعتلي أثناء العمليه رسايل طتمني على حالة ابني وهو في العمليات وبجد والله كفايه زوق حضرتك وكفايه اني حضرتك لمه كنت بتصل عليك علشان اسأل على اي حاجه حضرتك كنت بترد عليا على طول وراحت لكزه دكتور جراحة اقبل ماجي لحضرتك محدش فيهم طمن قلبي مناحية عملية ابني غير حضرتك الدكتور والله الوحيد الي قالي مفيش حاجه اسمه الفتق يرجع تاني ربنا يبارك لحضرتك يارب ويجعل الشفاء يارب علي ايد حضرتك ويبارك في عمرك